Falleg og áhrifarík stund í Háteigskirkju

14. desember 2018

Falleg og áhrifarík stund í Háteigskirkju

hÁteigskirkja sorgarsamkoma.jpg - mynd

Það var falleg og áhrifarík stund í Háteigskirkju að kvöldi 12. desember. Kirkjan var þéttsetin af syrgjendum sem voru mættir til að eiga saman fallega jólastund. Þessi samvera hefur verið haldin árlega á aðventunni í 19 ár og hefur ævinlega verið fjölmenn. 

Fyrir marga var stundin í senn falleg, áhrifarík og erfið. ,,Við erum mörg að hugsa til þess að halda jól í fyrsta skipti við breyttar aðstæður eftir fráfall ástvinar“, sagði Sigfús Kristjánsson einn kirkjugesta. Þessi stund var því tilfinningarík og gott að eiga hana með mörgum í sömu sporum. Það var áþreifanlega mikil samkennd í kirkjunni.

Sr. Sveinbjörg Pálsdóttir sjúkrahúsprestur flutti hugleiðingu, Hamrahlíðakórinn söng undir stjórn Þorgerðar Ingólfsdóttur og Guðný Einarsdóttir organisti Háteigskirkju lék undir jólasálma.

Undir lok athafnarinnar var minningarstund þar sem allir viðstaddir gátu kveikt á kerti og minnst ástvina sinna, undir fallegum orgelleik og söng.

Eftir stundina í kirkjunni var farið upp í safnaðarheimili Háteigskirkju í kaffi, piparkökur og spjall.

Þeir hópar sem standa að þessum atburði eru Þjóðkirkjan og Landspítalinn ássamt félagssamtökunum Ný dögun og Ljónshjarta.

Í kirkjum um allt land kemur fólk saman fyrir jólin, bæði til þess að halda upp á fæðingu frelsarans en einnig til að finna samhug með þeim sem hafa misst ástvin.

  • Frétt

  • Sálgæsla

  • Viðburður

IMG_E0878[1].JPG - mynd
22
mar

Biskup vísiteraði Hólmsheiðarfangelsið

Biskup Íslands, frú Agnes M. Sigurðardóttir, vísiteraði Hólmsheiðarfangelsið í Reykjavík í vikunni
Eðvarð Ing.jpg - mynd
22
mar

Sr. Eðvarð Ingólfsson kveður Akranes

Eftir tæp 22 ár í þjónustu sem sóknarprestur á Akranesi þá lætur sr. Eðvarð Ingólfsson af störfum um næstu mánaðamót.
Hallgrímskirkja Saurbæ.jpg - mynd
19
mar

Tillaga að stofnun Hallgrímsseturs

Breyttar aðstæður í Saurbæ greiða þeirri hugmynd leið að opna þar lifandi safn um ævi og störf sálmaskáldsins ástsæla, sr. Hallgríms Péturssonar