Málþing um landnytjar og búskap í Skálholti

18. október 2018

Málþing um landnytjar og búskap í Skálholti

Skálholtskirkja_2015-07-19-1024x682.jpg - myndOpið málþing um landnytjar og framtíð búskapar í Skálholti verður haldið í Skálholtsskóla þriðjudaginn 23. október og hefst það kl. 20.

Þrír stuttir fyrirlestrar verða fluttir um skógrækt til kolefnisjöfnunar og nytja, um aðstæður til búskapar og skepnuhalds og um útivist og gönguleiðir. Einar Gunnarsson, skógfræðingur, fjallar um skógræktarverkefni Kolviðar, Katrín Andrésdóttir, fv. héraðsdýralæknir, talar um aðstæður til búskapar og Finnur Kristinsson, landslagsakítekt ræðir um gönguleiðir og útivist á jörðinni.

Að málþinginu standa stjórn Skálholtsfélagsins hins nýja, stjórn Skálholts og vígslubiskupinn í Skálholti. Eftir að erindin hafa verið flutt verður tími til fyrirspurna og umræðu. Fundar- og umræðustjórar verða Drífa Hjartardóttir, formaður stjórnar Skálholts, og Erlendur Hjaltason, formaður Skálholtsfélagsins hins nýja. Hægt verður að kaupa máltíð í Skálholtsskóla fyrir fundinn á vægu verði en á fundinum verða kaffiveitingar í boði vígslubiskups, sr. Kristjáns Björnssonar. Málþingið er opið og eru allir velkomnir.
  • Auglýsing

  • Fræðsla

  • Fræðsla

IMG_E0878[1].JPG - mynd
22
mar

Biskup vísiteraði Hólmsheiðarfangelsið

Biskup Íslands, frú Agnes M. Sigurðardóttir, vísiteraði Hólmsheiðarfangelsið í Reykjavík í vikunni
Eðvarð Ing.jpg - mynd
22
mar

Sr. Eðvarð Ingólfsson kveður Akranes

Eftir tæp 22 ár í þjónustu sem sóknarprestur á Akranesi þá lætur sr. Eðvarð Ingólfsson af störfum um næstu mánaðamót.
Hallgrímskirkja Saurbæ.jpg - mynd
19
mar

Tillaga að stofnun Hallgrímsseturs

Breyttar aðstæður í Saurbæ greiða þeirri hugmynd leið að opna þar lifandi safn um ævi og störf sálmaskáldsins ástsæla, sr. Hallgríms Péturssonar